Torneo XXX Aniversario do C.C. Los Rosales - Homenaxe EPR

O sábado 24 de outubro de 2026 celébrase na Coruña o Torneo XXX Aniversario do C.C. Los Rosales, que servirá de homenaxe do xadrez coruñés a Ernesto Pérez Ramil, socio fundador da AGAX.

A organización está coordinada por todas as asociacións de ASENCUDEGA. É un torneo amigable e aberto: pode participar calquera xogador, con ou sen licenza federativa. A cota de inscrición é solidaria: un quilo de alimentos para o Banco de Alimentos.

INSCRIBIRSE

• Data: sábado 24 de outubro de 2026, ás 17:00
• Lugar: planta baixa do Centro Comercial Los Rosales, A Coruña
• Ritmo: 10 minutos + 3 segundos por xogada, suízo a 5 roldas
• Cota: un quilo de alimentos para o Banco de Alimentos

Bases do torneo

• Nome: Torneo XXX Aniversario / Homenaxe a Ernesto Pérez Ramil
• Data: sábado 24 de outubro de 2026
• Lugar: planta baixa do Centro Comercial Los Rosales, A Coruña (segundo a participación, poderase habilitar algún espazo adicional)
• Tipo de torneo: amigable, aberto a calquera xogador con ou sen licenza federativa
• Hora de inicio: 17:00. Cómpre chegar antes para formalizar a inscrición
• Horario das roldas: 17:00 / 17:40 / 18:20 / 19:00 / 19:40
• Entrega de premios: a partir das 20:00
• Sistema de xogo: suízo a 5 roldas
• Ritmo de xogo: 10 minutos con 3 segundos de incremento por xogada
• Categorías: sub-8, sub-10, sub-12, sub-14 e absoluta
• Desempates: despois da última rolda sortearase a orde entre os seguintes criterios: Buchholz total, Buchholz -1, progresivo e número de partidas gañadas
• Cota de participación: un quilo de alimentos, que se doará ao Banco de Alimentos
• Premios: trofeo para os tres primeiros clasificados de cada categoría e medalla para todos os participantes de categoría sub-14 e inferiores
• Inscrición: a través do formulario en liña: https://forms.gle/3yQbDozQDrUt77Va7

Consideracións adicionais

• A organización poderá xuntar categorías se non se chega ao número mínimo de participantes.
• A organización poderá deixar algunhas categorías sen reloxo e colocalo só no caso de que a partida se alongue.
• Os participantes autorizan a publicación dos seus datos persoais nos medios que a organización considere oportunos para a difusión do evento (resultados, clasificacións, participantes, etc.), así como a súa presenza nas fotografías realizadas cos mesmos fins.
• A participación no torneo implica a aceptación destas normas.

Bases orixinais publicadas en Palaestra: Torneo XXX aniversario

Torneos de outono 2026

Chega o outono e con el unha das tempadas máis intensas para o xadrez na Coruña e arredores. Ao longo de outubro e nos primeiros días de novembro hai citas para todos os gustos: torneos presenciais e online, partidas lóstrego e rápidas, competición universitaria e por equipos. Aquí tedes o calendario completo, ordenado por datas.

XXXII Torneos Virxe do Rosario · A Coruña · 7 de outubro

O Club Ludo organiza os XXXII Torneos Virxe do Rosario, que se celebran o mércores 7 de outubro no Colexio Santo Domingo - FESD (Praza de Santo Domingo, A Coruña). Pola mañá xógase a modalidade lóstrego: suízo a 7 roldas con ritmo de 5'+2'' (inscrición ás 10:30 h e comezo ás 10:45 h). Pola tarde chega a modalidade de rápidas: suízo a 6 roldas con ritmo de 10'+3'' (inscrición de 16:00 a 16:20 h e comezo ás 16:30 h). A inscrición é gratuíta e aberta, cun máximo de 32 xogadores por modalidade. Haberá trofeos para os tres primeiros e para o mellor xogador escolar, trofeos por categorías de idade nas rápidas e medalla para todos os participantes.

Máis información sobre os XXXII Torneos Virxe do Rosario

XXXVII Torneo Universitario · A Coruña · 9, 16 e 23 de outubro

O CIDU e INCUDE organizan unha nova edición do Torneo Universitario, que se disputa durante tres venres no local de xadrez do CC Los Rosales. Será un suízo a 6 roldas (dúas por xornada) con ritmo de 25'+10'', válido para ELO. As partidas comezan ás 18:00 h (o primeiro día hai presentación ás 17:45 h). Haberá trofeos para os tres primeiros clasificados e para o mellor estudante da UDC.

Máis información sobre o XXXVII Torneo Universitario

Torneo Virxe do Rosario Online · Lichess · 12 de outubro

Para celebrar as festas da patroa da Coruña, AGAX organiza o luns 12 de outubro ás 20:00 h un torneo arena dunha hora en Lichess, con ritmo blitz de 3'+2''. Para participar é imprescindible ser membro do equipo AGAX Aberto en Lichess. Conta co patrocinio do Concello da Coruña.

Máis información sobre o Torneo Virxe do Rosario Online

VII Liga de Equipos Xadrez das Mariñas · 17 de outubro

O sábado 17 de outubro, ás 17:00 h, arrinca a VII Liga de Equipos Xadrez das Mariñas, organizada por AGAX en colaboración co Clube Xadrez das Mariñas e co patrocinio da Deputación da Coruña. Reunirá 16 equipos da zona das Mariñas —A Coruña, Culleredo, Betanzos e Cambre, entre outros— nun encontro interxeracional con máis de 64 xogadores de todas as categorías.

Máis información sobre a VII Liga de Equipos Xadrez das Mariñas

Gran torneo para todos os niveis · CC Los Rosales · 24 de outubro

O sábado 24 de outubro está programado un gran torneo no Centro Comercial Los Rosales, pensado para xogadores de todos os niveis. En breve publicaremos as bases, os horarios e a forma de inscrición. Estade atentos!

Copa AGAX Online 2026 · Lichess · 1 de novembro

Como antesala da Copa AGAX presencial, o domingo 1 de novembro ás 20:00 h celebrarase en Lichess o Torneo Online Copa AGAX 2026, con ritmo de 3'+2''. A participación é gratuíta e aberta a todos os membros do equipo AGAX Aberto. Conta co apoio do Concello da Coruña.

Máis información sobre a Copa AGAX Online 2026

Copa AGAX e Torneo Tódolos Santos · CC Los Rosales · 2 de novembro

O luns 2 de novembro, na planta 1 do Centro Comercial Los Rosales, AGAX organiza dúas competicións simultáneas. A Copa AGAX xógase por eliminatoria en formato Armageddon (brancas 5 minutos, negras 4 minutos; en caso de táboas avanza o xogador con negras). O Torneo Tódolos Santos é un suízo a 5 roldas con ritmo de 10'+2''. A actividade desenvólvese de 17:30 a 20:45 h, coas finais e a entrega de premios ao remate. A inscrición é gratuíta, non require licenza federativa e está limitada a 32 xogadores por orde de inscrición. Haberá trofeos para o campión e o subcampión da Copa AGAX e para os tres primeiros do Tódolos Santos.

Máis información sobre a Copa AGAX e o Torneo Tódolos Santos

Un outono cheo de xadrez para todas as idades e niveis. Animádevos a participar e a compartir o calendario!

---

Organiza: AGAX — Asociación Galega de Xadrecistas
Máis información: agax.org

Actividades de Introducción ó Xadrez

Introdución ao xadrez: maiores e pequenos en aprendizaxe cooperativo

Cando: Todos os mércores, ás 19:30h  |  Lugar: Centro Comercial dos Rosales

Dentro do programa Xadrez e Saúde, AGAX pon en marcha unha nova actividade semanal no Centro Comercial dos Rosales: unha introdución ao xadrez pensada para que maiores e pequenos aprendan xuntos, compartindo mesa e apoiándose mutuamente. Non fai falla ter experiencia previa: o obxectivo é achegar o xadrez a todas as idades a través dunha metodoloxía de aprendizaxe cooperativo.

Que ofrece esta actividade

• Formación práctica: sesións pensadas para introducir as regras e a lóxica do xadrez dun xeito ameno e progresivo.
• Aprendizaxe cooperativo: maiores e pequenos comparten partida e aprenden un do outro, reforzando valores como a paciencia, o respecto e a escoita entre xeracións.
• Horario: todos os mércores, a partir das 19:30h.
• Lugar: Centro Comercial dos Rosales.
• Colaboran: Deputación da Coruña e Centro Comercial dos Rosales.

Inscrición e máis información

A actividade é aberta e gratuíta; para calquera dúbida ou para apuntarse pódese contactar con AGAX a través de:

• Correo: correo@agax.org
• Redes sociais: @xadrecistas

---

Organiza: AGAX — Asociación Galega de Xadrecistas
Máis información: agax.org

Actividades de final de agosto

Nas últimas semanas do verán, o xadrez coruñés e os clubs veciños ofrecen varias citas destacadas para os afeccionados. Aquí un repaso rápido.

Copa González March 2026 · A Coruña · 24-28 de agosto

O Club Ludo e o Sporting Club Casino organizan esta copa en homenaxe a José González March, histórico directivo do xadrez coruñés. O torneo absoluto (ELO estándar inferior a 2400) dispútase a 5 rondas con ritmo de 60'+30'', con validez para o ELO FIDE estándar. Haberá tamén torneo Sub-14 a 5 rondas (25'+10'', válido para ELO FIDE rápido). Os dous tableros xóganse no Sporting Club Casino, na Rúa Real 83 de A Coruña.

Máis información sobre a Copa González March 2026

Torneo de Xadrez de Verán 2026 · Cedeira · 28 de agosto

O Concello de Cedeira acolle este torneo de verán a 5 rondas con ritmo de 10 minutos por xogador. Ademais da clasificación absoluta, haberá trofeos para as categorías Sub-8, Sub-10 e Sub-12, e todos os participantes recibirán medalla.

Máis información sobre o Torneo de Verán de Cedeira

Torneo Blitz XDM 2026 · Cambre · 29 de agosto

Xadrez das Mariñas organiza o seu torneo blitz anual na Casa da Cultura Vila Concepción de Cambre. Serán 7 rondas ao ritmo de 5'+3'' de incremento, con validez para o ELO FIDE Blitz. Agárdanse preto de 46 xogadores. A inscrición é de 5 € (2 € para socios do club). O torneo comeza ás 10:30 h e a clausura está prevista para as 13:30 h.

Máis información sobre o Torneo Blitz XDM 2026

Actividades do Dia de Galicia

Lembra que esta noite, 26 de xullo ás 21:00h, temos o Torneo Online Día de Galicia en Lichess.

Toda a información e a ligazón para inscribirte: https://www.agax.net/2026/07/torneo-online-dia-de-galicia.html

Agardámoste!

Actividades no Dia das Letras Galegas

📅 Celebramos as nosas letras no taboleiro: Torneo do Día das Letras Galegas 2026

O vindeiro 17 de maio non só homenaxeamos a nosa lingua e cultura, senón que tamén o facemos coa paixón que nos une: o xadrez. Queremos recordarvos que xa está aberta a convocatoria para o Torneo Día das Letras Galegas 2026, unha cita imprescindible no calendario para os amantes do xaque mate.

Este evento, organizado polo Xadrez Universitario, promete ser unha xornada de convivencia e competición saudable. Non importa o teu nivel, o obxectivo é desfrutar dunha mañá (ou tarde) de estratexia celebrando a nosa identidade.

📍 Datos do Torneo

📅 Data:	17 de maio de 2026
📍 Lugar:	Santiago de Compostela (Consultar bases para ubicación exacta)
📝 Inscrición:	A través do formulario oficial ou correo electrónico indicado na web oficial.

"O xadrez, coma a lingua, é un xeito de entender o mundo. Participa e axúdanos a facer medrar a nosa comunidade!"

🔗 Máis información e Bases

Podes consultar todos os detalles técnicos, horarios e o formulario de inscrición na ligazón oficial do evento:

VER BASES E INSCRIBIRSE AQUÍ

Agardámosvos a todos para facer desta edición un éxito rotundo. Non o deixes para o último momento, as prazas son limitadas!

---

Publicado en colaboración con xadrecista.eu e xogandocoxadrez.eu.

Actividades na ponte do 1 de maio

Aproveitando a ponte do 1 de maio, o xadrez e os xogos de estratexia non descansan. Temos preparadas varias citas importantes na Coruña para que socios e afeccionados desfruten do taboleiro en diferentes modalidades. Aquí tes o resumo do que non podes perder:

1. Torneo de Rápidas e Xogos de Estratexia (30 de abril)

Comezamos a ponte o xoves pola tarde no CUR (Centro Universitario de Riazor) cunha dobre sesión:

• 19:00 h: Torneo de Rápidas do Socio Colaborador.
• 20:30 h: Xornada de difusión de Xogos de Mesa de Estratexia.
• Actividades para socios de AGAX, INCUDE e comunidade universitaria (UDC).

👉 Máis información e detalles: Ver convocatoria completa.

---

2. Torneo do XXXII Aniversario (1 de maio)

O venres, día festivo, celebramos os 32 anos de traxectoria cun torneo especial. Unha oportunidade perfecta para celebrar a historia do noso xadrez universitario en plena competición.

• Lugar: Instalacións do INCUDE / Campus Universitario.

👉 Toda a info aquí: Artigo do XXXII Aniversario.

---

3. Magistral María Pita

Ademais destas citas, recomendamos estar atentos a un dos eventos máis emblemáticos da cidade, o Magistral María Pita, onde o xadrez de alto nivel é o protagonista.

👉 Web oficial do evento: magistralmariapita.com

Vémonos nos taboleiros nesta ponte de maio!

Xogade 2026

Temos xa a confirmación de datas para o Deporte Escolar - Xogade -.

Poden participar todos os rapaces nados en 2012 ou seguintes.

Hai que escoller entre unha das dúas opcións:

Opción A. Para os que prefiren os domingos.

Será en Cambre os días 15 e 23 de marzo ás 10,00. Os rapaces xogarían como XDM (Xadrez das Mariñas).

Ópción B. Para os que prefiren os venres tarde

Será en Coruña os venres 10 e 17 de abril ás 18,00. Os xadrecistas participarán como CIDU (Club de Iniciativas Deportivas Universitarias).

Como sabedes é unha competición que recomendamos a todos os rapaces.

En caso de quedar campions os equipos pasarían a una fase intercomarcal a celebrar en Cambre (Vila Concepción) o sábado 25 de abril. 

Anotate premendo AQUI.

Xadrez no entroido

A actividade Xadrez no Entroido serán neste 2026 tres actividades:

1. Torneo de Entroido Online.
Organiza: AGAX.
Data: Sábado 14 de febreiro.
Hora: 16,00 – 17,00.
Espazo: Club Online de AGAX.
Premios: Taza de AGAX.

Información: https://www.agax.net/2026/02/torneo-online-de-entroido.html

2. Tarde de Xadrez no Entroido.
Organiza: Palaestra.
Data: Luns 16 de febreiro.
Hora: 16,00 – 19,00.
Espazo: Sala de Usos Múltiples/Xadrez C. C. Los Rosales.
Premios: Taza de Palaestra.

Información: https://www.palaestra.eu/2026/02/tarde-de-xadrez-no-c-c-los-rosales.html

3. Torneo de Entroido.
Organiza: Sporting Club Casino.
Data: Martes 17 de febreiro.
Hora: 17,00.
Espazo: Sporting Club Casino.
Premios: Trofeos por categorías.

Información: https://www.palaestra.eu/2026/01/torneo-de-entroido-no-casino.html

Último fin de semana de xaneiro

O calendario segue cargado de propostas para quen queira xogar, aprender e compartir xadrez. Aquí van dúas citas moi especiais destes días… e lembramos tamén que continúa o torneo de lentas de Imbolc.

Torneo de Entroido no Sporting Club Casino

Recuperamos o tradicional Torneo de Xadrez de Entroido no Sporting Club Casino, unha festa de xadrez e máscaras que volve con forza este 2026.

• Data: Martes 17 de febreiro de 2026
• Hora: 17:00 (premios arredor das 19:30)
• Lugar: Sporting Club Casino – Rúa Real, A Coruña – 1ª planta
• Ritmo: 10 + 2, sistema suízo a 5 roldas
• Categorías: Absoluto, Sub14, Sub12, Sub10, Sub8
• Inscricións: ata o luns 16 de febreiro de 2026
• Cota xeral: 5 € – Socios Sporting Casino: gratis
• Licenza: é preciso contar con licenza federativa en vigor
• Ambiente de Entroido: recoméndase vir disfrazado; haberá algunha sorpresa para os disfraces máis orixinais

Toda a información detallada e ligazóns de inscrición, en: Torneo de Entroido no Casino (Palaestra) .

Tarde de xadrez na Casa da Cultura Vila Concepción

Se che gusta o xadrez e queres vivir unha tarde diferente, tes unha cita na Casa da Cultura Vila Concepción co Club Xadrez das Mariñas.

• Data: Sábado 31, a partir das 17:00
• Lugar: Casa da Cultura Vila Concepción
• Que haberá?
• Partidas en directo da Liga Galega por Equipos (Preferente, Primeira e Terceira División).
• Evento amigable aberto tamén a xogadores non federados.
• Ambiente relaxado para xogar, aprender e coñecer outros afeccionados.
• Análise de partidas ao remate, con instrutor certificado.

Máis detalles na nova completa: Tarde de xadrez na Casa da Cultura Vila Concepción (XDM) .

Segue en marcha o Torneo de lentas: Imbolc

Dentro dos Martes de Xadrez continúa o Torneo de lentas: Imbolc, pensado como preparación para a Liga Galega e para recuperar o gusto polas partidas a ritmo máis pausado.

• Ritmo: 45 minutos por xogador
• Días de xogo: Xaneiro: 20 e 25 — Febreiro: 3, 10 e 24
• Hora: a partir das 19:15
• Emparellamentos: cada martes, cinco minutos antes do inicio, cos xogadores presentes
• Participación: aberta, con ou sen licenza federativa, e con posibilidade de incorporarse en calquera rolda
• Cota: de balde, dentro da programación da escola de xadrez
• Premio: trofeo para o gañador do torneo

As bases completas poden consultarse en: Torneo de lentas: Imbolc (Palaestra) .

Entre Entroido, Vila Concepción e as partidas lentas de Imbolc, hai moitas ocasións para seguir xogando co xadrez estes días. Vémonos diante do taboleiro!

Actividade en xaneiro

Venres 16: Venres no CUR. Clases e actividades para universitarios e socios do CIDU.

Mais info: www.xadrezuniversitario.org

Sábado 17 e domingo 18: Campionatos absolutos provinciais.

Martes 20: Nos Martes de Xadrez inicio do Torneo de Imbolc

Mais info: www.palaestra.eu

Venres 23: Venres no CUR

Sábado 24: Comeza a Liga Galega de Xadrez

Domingo 25: O Club Xadrez Culleredo organiza un torneo por equipos pola mañá e individual pola tarde.

Mais info: https://www.facebook.com/profile.php?id=61573377534914