17 de xuño de 2022

FIN DE SEMANA 17 E 18 DE XUÑO

Actividades destes días, nos que estamos a pechar o curso.

VENRES 17

16,00 - 17,00: Final do Torneo Escolar do CBIS e remate do curso.

20,30 - 21,30: Torneo do Circuito de Rápidas no Centro Universitario de Riazor. 

SABADO 18 

11,00 - 20,00: Torneo de Promoción en Narón

16,00 - 17,00: Liga AGAX Sub12 Online

Batalla por equipos LIGA AGAX SUB12 #glczZrId • lichess.org

17,00 - 20,00: Liga das Mariñas por equipos. Ritmo rápido. Vila Concepción.

10 de xuño de 2022

FIN DE SEMANA 11 E 12 DE XUÑO

Fin de semana con distintas actividades:

VENRES 10 DE XUÑO.

17,00: Entéga dos premios do Torneo de Xadrez do aniversario do CIDU - INCUDE na súa categoría lúdica escolar celebrada no Coruña British International School.

20,00: Torneo de partidas lóstrego no Centro Comercial Los Rosales.

SÁBADO 11 DE XUÑO.

Non haberá Liga Online por ter ás 17,00 o Torneo de Primavera.



LUNS ULTIMO DIA PARA ANOTARSE NO TORNEO DE NARON, DO CIRCUITO PROMOCION (ATA CATEGORÍA SUB14).

O mesmo día que o Torneo de Narón (sábado 18) teremos pola tarde para os maiores e os que non queran ir a Liga das Mariñas na súa versión rápida.

4 de xuño de 2022

Xadrez en Xuño

Este mes de xuño temos varias cousas.

HOXE SABADO. Temos a xornada da Liga AGAX Sub12. Non parece que funcionase moitos nas últimas semanas, sexa por exames, comunións, praia, otras actividades...

Coma sempre, aqui a ligazón:

Sábado 4 ás 16,00:


Adianto próxima fin de semana. 11 de xuño.

Dende o Centro Comercial Los Rosales e a SCD Palaestra lanzan a edición do Torneo de Primavera. Será pola tarde cun suizo a 5 roldas. Gratuito, para calquera idade e con trofeos e medallas. 
Será pola tarde e podes anotarte en:


Adianto sábado 18 de xuño.

Aqui ides ter que duplicaros ou se aínda non sodes capaces de estar en dous sitios ao mesmo tempo tedes dúas cousas onde elixir:

Torneo de Narón do Circuito Galego de Promoción.
Todo o día para categorías sub14.
Aínda non publicaron as bases completas pero seguramente as coloquen estes días na web da Fegaxa

Se non pola tarde en Vila Concepción haberá o encontro por equipos con partidas rápidas que fixemos o ano pasado en 2021.

E cousas en xullo.
Aínda que iremos engadindo cousas sen dúbida xa temos dúas datas que marcar: 

Adianto: Sábado 2 de xullo: Asalto ao Castelo de Vimianzo. A festa chega aos seus 25 anos. Se alguén non a coñece que aproveite. E ainda que o torneo de xadrez é matutino, estar por alí e participar no asalto infantil da tarde é moi entretido.

Adianto: Sábado 30 de xullo: Iniciamos en 2019, tivemos que parar coa COVID en 2020 e recuperámola de novo en 2021... Tarde de Xadrez no Pazo de Tor (Monforte). O ano pasado tivemos o privilexio dunha visita minuciosa ao Pazo e quedamos con eles de institucionalizar o último sábado de xullo como día de actividade. Se non coñeces o Pazo, ou tes que revisitar Monforte ou simplemente queres botar unhas partidas... vai marcando na axenda. O xogo e a mesa de xadrez do Pazo xa custifican a visita para un xadrecista.

27 de maio de 2022

FIN DE SEMANA

Este fin de semana témolo adicado ao peche do curso, que faremos en Curtis.

Buscamos promocionar o xadrez naquel espazo da zona das Mariñas, onde hai unhas semanas inciamos tamén unha colaboración co Centro Penitenciario de Teixeiro.

VENRES 27

Seguen a disputarse os torneos escolares do CBIS, algún deles xa na disputa das últimas partidas que foran adiadas.

20,15-21,15: Torneo de Rápidas do Circuito de Primavera. Será no Centro Universitario de Riazor.

SABADO 28

12,30: Inicio do Xogo de Pistas en Curtis.

16,00 - 17,00: Torneo de Rápidas en Curtis.

17,00 - en adiante: Última xornada da Liga das Mariñas, á que chegan Betanzos e Xadrez das Mariñas como favoritos na vitoria final.

26 de maio de 2022

O extraño caso do Rei Negro de Curtis

A habitación da súa vila de Brighton estaba, como de costume, desordenada e repleta de produtos químicos e de recordos de distintos casos. Sherlock comera unha hora antes e sentado na súa butaca preferida miraba pola xanela mentres acariñaba a súa pipa. 

Pensaba en como cos anos os seus costumes cambiaran; antes durmía moi poucas horas pero agora, desde o seu famoso caso "o escocés do balcón" que lle levou a Mallorca, acotumbrarase a ese bárbaro costume de durmir a sesta. Doutra banda o Dr. Watson lográra convencelo, tras anos de inistencia, de que deixase o tabaco. Agora pesaba vinte quilos máis e as pipas só usábaas para acariñalas mentres pensaba.

Á calor da cheminea e mirando a paisaxe quedou durmido.

Espertou sobresaltado. Estaba a soar o teléfono.

- Oh, ah, Si, quen é? -balbuceou ao responder a chamada.

- Señor Holmes -gritaron desde o outro lado- o Rei desapareceu! 

- A Raíña? -preguntou mentres tentaba aclarar os seus pensamentos.

- Non. O Rei... O Rei negro de Curtis. Ten que vir inmediatamente.

E cortouse a chamada.

Holmes apresurou á esquina da sala onde tiña un antigo globo terráqueo e empezou a buscar Curtis entre as antigas colonias da súa Maxestade.

Como Sherlock segue en Inglaterra buscando, necesitaremos a axuda dos detectives locais para descubrir, polo menos, onde estaba o rei negro de Curtis antes de desaparecer.

----

Ven pola actividade deste finde e axudanos a ir completando o misterio.

23 de maio de 2022

XADREZ EN CURTIS

Asociación Galega de Xadrecistas en colaboración co Concello de Curtis vai pechar as competicións por equipos deste curso realizando a actividade Xadrez na Festa das Flores.

O mesmo día de 12,30 a 14,00 teremos un xogo de pistas baseado no xadrez pola zona. Empezará á hora indicada no Cafe Español (Avenida Principal 11).

Nome do Torneo: I TORNEO FESTA DAS FLORES

Datas: 28 de maio de 2022.

Lugar: Recinto Ferial. Curtis (A Coruña).

Ritmo: 5 minutos finish.

Horario:
Presentacion: 16,00
1ª Rolda: 16,10
2ª Rolda: 16,20
3ª Rolda: 16,30
4ª Rolda: 16,40
5ª Rolda: 16,50

Situación COVID:
Recoméndase o emprego de máscara. A organización disporá de máscaras para os que o solicitem.
Haberá xel en tódalas mesas de xogo.
O número máximo de participantes será de 32.

Premios:
Haberá os trofeos para os seguintes postos:
- Primeiro absoluto
- Primeiro empadroado no Concello de Curtis.
- Primeiro sub14
- Primeiro sub12
- Primeiro sub10
Haberá tamén medallas para todos os sub14 (nados en 2008 ou seguintes).

Inscricións: Non hai cota de inscrición.

Pode facerse a través do formulario ligado:

PREME PARA INSCRIBIRSE

Advertencia 1: Os participantes na proba autorizan a publicación dos sus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo os organizadores poden ampliar as bases do mesmo antes da celebración da proba.

A participación leva aparellada a aceptación destas normas.

20 de maio de 2022

Actividades 20 e 21 de maio

Tras a Ponte das Letras Galegas, na que disputáronse os torneos da fase provincial do programa Xogade da Xunta, estes días temos as seguintes actividades:

VENRES 20 DE MAIO
16,00-17,00: Final do Torneo Escolar no CBIS.

20,15-en adiante: Torneo Nocturnia.
Torneo dentro do Circuito de Primavera no Centro Universitario de Riazor.

SABADO 21 DE MAIO 
16,00-17,00: Liga AGAX Sub12

17,00-en adiante: Liga das Mariñas. Xornada en Betanzos.

-> A VINDEIRA SEMANA PROPOREMOS UNHA ACTIVIDADE ESPECIAL COMO PECHE DO CURSO EN CURTIS.

13 de maio de 2022

Ponte das Letras Galegas

Aínda que poidamos ter algunha actividade mais, esta son ás previstas para estes días:

VENRES 13

18,30-20,00: Final do Torneo Sub18 que celebra Palaestra no Centro Comercial Los Rosales. Mais de 30 participantes tivo esta proba en varios grupos que hoxe afronta a súa final.

20,15-21,15: Proba do Circuito de Primavera no Centro Universitario de Riazor.


SABADO 14

Xogos Escolares. Fase provincial.
Os xogos provinciais escolares terán lugar en Noia dende ás 11,00.
Os equipos alevin feminino xogarán en Cambre.

Liga Sub12
A pesar de que algúns estarán no provincial segue a Liga Escolar.
Para nadaos en 2010 ou seguintes. 


MARTES 17

19,00 - 20,30: A Escola Xadrez Pontevedra organiza un Torneo en Lichess con motivo do Día das Letras Galegas. Ritmo 5+2 


6 de maio de 2022

FIN DE SEMANA DO DIA DA CIENCIA NA RÚA

Este fin de semana temos unha das actividades nas que mais nos gosta participar. Hai 27 anos fomos invitados a tomar parte dunha idea novedosa; unha feira científica que consolidouse cos anos, parada só pola COVID.

Neste 2022 recúpérase o espazo no parque de Santa Margarita e alí estaremos cos nosos tradicionais torneos de pasapezas e lóstrego.

VENRES 6 DE MAIO

20,15 - 21,15: No Centro Universitario de Riazor. Torneo do Circuito de Primavera.

SABADO 7 DE MAIO

11,00 - 19,00: Día da Ciencia na Rúa. Taboleiro de xadrez xigante e distintas actividades.

* Torneo de Pasapezas (12,00-13,00).
* Torneo de Partidas Rápidas Absoluto (17,00-18,00). 
* Torneo de Partidas Rápidas Sub14 (18,00-19,00).

29 de abril de 2022

XADREZ FINAL ABRIL

Como xa dixemos a semana pasada este trimestre é dos mais activos en canto a actividades.

A semana disputaronse as partidas do Xogade intercomarcal. Se queredes mais información a tedes AQUI

Para estes días temos as seguintes accións:

ATENCION: HOXE VERNES MARCAREMOS MAIS ACTIVIDADES PARA ESTES DIAS

VENRES 29 (Hoxe)

17,00 - 20,00: Nos Rosales Torneo 1º de bach. 

20,30 - 21,30: Terceiro torneo do Circuito de Primavera de INCUDE. Nos Rosales. Cota de 1 euro.
Tes mais información na web www.xadrezuniversitario.org


SABADO 30

Na mitoloxía popular a noite do sábado 30 era a Noite de Beltaine. En Galicia había distintas celebracións e afumaban o gando. Para os fans de Harry Potter as lendas desta noite inspiraron os mortífagos.

16,00 - 17,00: Segunda rolda da Liga Online Sub12 coa súa fase de Primavera. Funciona como anos anteriores por equipos nos que puntúan os tres mellores. Batalla por equipos LIGA AGAX SUB12 #0332rUQp • lichess.org

16,30 - 19,00: Segunda rolda da Liga amigable das Mariñas. Esta rolda dispútase no Sporting Club Casino de A Zapateira.

17,00 - 21,00: Asemblea da Federación Galega de Xadrez en Vigo. Estydarán posibles reformas na Liga Galega de Xadrez e outras competicións oficiais por equipos.


COMO INDICABAMOS SEGURAMENTE PUBLIQUEMOS MAIS ACTIVIDADES.
A PROXIMA SEMANA TEMOS DIA DA CIENCIA NA RUA E GALEGOS LOSTREGO E RAPIDAS.

22 de abril de 2022

INTENSO FIN DE SEMANA

Este trimestre empezou mais tranquilo que os anteriores, pero xa veredes que temos actividades constantes:

VENRES 22 (Hoxe)

17,00 - 20,00: Nos Rosales Torneo 1º de bach. 

20,30 - 21,30: Segunda xornada do Circuito de Primavera de INCUDE. Nos Rosales. Cota de 1 euro.

SABADO 23

11,00 - 14,00: Xogase a fase intercomarcal dos xogos escolares da Xunta (Xogade). Unha idea de como van a tedes en https://www.xn--xadrezdasmarias-brb.org/2022/04/escolares-2022.html

16,00 - 17,00: Reinicia a Liga Online Sub12 coa súa fase de Primavera. Funciona como anos anteriores por equipos nos que puntúan os tres mellores. Batalla por equipos LIGA AGAX SUB12 #cHJnaEtJ • lichess.org

16,30 - 19,00: Iniciamos a Liga amigable das Mariñas. Esta primeira rolda será en Vila Concepción.

Para calquera dúbida contacta con nos no noso correo ou no Whatsapp 654 60 37 16

Vindeiras actividades: Ademais de ocupar os venres cos torneos de 1º de bach e os sábados coa liga online sub12 e a liga presencial das Mariñas, temos previsto torneo o día 1 de maio, o Día da Ciencia na Rúa o 7 de maio, a fase provincial de escolares (agardando pasar) o 14 de maio e mais cousas que iremos poñendo por aqui.

18 de abril de 2022

LIGA AGAX SUB12 DE PRIMAVERA

Durante os meses de abril, maio e xuño teremos a edición de primavera da nosa Liga Sub12.

Tal como fixemos en 2021 e está previsto que sigamos no 2022 a Liga AGAX Sub12 funciona como tres competicións diferenciadas no inverno, primavera e outono.

Cada unha delas formada por oito roldas que van sumando nun circuito.

Tamén no nadal realizaremos unha proba dun só día, como xa realizamos en 2021 onde poderán participar xogadores de calquera orixe, non só da cidade da Coruña.

Liga Primavera 2022.

Datas de xogo: Abril: 23 e 30 - Maio: 7, 14 e 28 - Xuño: 4, 11 e 18.

Por tanto a primeira rolda será xa este sábado, día 23 ás 16,00 horas.

A fase intercomarcal dos escolares é pola mañán, así que agardamos que todos poidan partipar.

SABADO 23 DE ABRIL (DIA DO LIBRO). 16,00

LIGAZON DO TORNEO: Batalla por equipos LIGA AGAX SUB12 #cHJnaEtJ • lichess.org

Por outra banda indicamos os resultados finais da Liga de Inverno, que non colocaramos anteriormente neste espazo.

O equipo vencedor foi o Calasanz, seguido de Pardo Bazán e Compañía de María.


Na clasificación individual o vencedor novamente foi Rubentro seguido de PabloIG (ambos do Calasanz) e de terceiro Martinchi (do Compañía de María).


8 de abril de 2022

ACTIVIDADES FIN DE SEMANA

Nestes días previos á Semana Santa temos algunhas propostas para os interesados.

VENRES 8
17,30 - 18,30: Torneo Casino.
Só para socios. Partidas a 5 minutos

20,15 - 21,15: Torneo amigable en Centro Comercial Los Rosales.
Partidas a 5 minutos.
Cota: 1 euro
Premio: Taza de AGAX

SÁBADO 9
12,00 - 14,00: Torneo Casino.
Só para socios. Partidas a 10 minutos.

17,00 - 19,30: Torneo nos Rosales.
Especial adestramento para escolares pero aberto a todos os interesados. Xogarán en categoría única.
O obxectivo principal e ver aos xogadores de idade escolar para completar a convocatoria dos equipos para a fase escolar.
Partidas a 15 minutos.
Cota: 2 euros
O campión recibirá un trofeo.

* Permanecede atentos ás posibles actividades en Semana Santa.

* Os clasificados para os escolares (www.xadrezdasmariñas.org) deberían comunicar a súa participación estes días.

19 de marzo de 2022

Ultima rolda da Liga AGAX

Hoxe a Liga AGAX sub12 chega ao seu fin na edición de inverno.

A clasificación actual é a seguinte:


Compañía de María leva unha mínima ventaxe sobre Calasanz e sobre Pardo Bazán

Foi unha liga rara pola coincidencia coa liga galega. A edición de primavera que iniciará tras a Semana Santa agardamos que teña mais participación, xa que será mais aberta.

En canto a clasificación individual, a situación é a seguinte:


Ata 14 xogadores nesta edición entraron algunha vez en zona de puntos.

O sombreado é pola xornada na que tivemos un erro e a xornada empezou mais tarde. En caso de empate a puntos o desempate será suprimir esa xornada.

Sorte para todos e lembramos que hai trofeo para os tres primeiros equipos e para os tres primeiros individuais.

Ligazón para hoxe

13 de marzo de 2022

Urxente: Xogos Escolares

Nos próximos días temos os Xogos Escolares da Xunta, do programa xogade.

Está destinado a estas categorías:

Benxamín: nados nos anos 2013-2012
Alevín......: nados nos anos 2011-2010
Infantil....: nados nos anos 2009-2008

Na competición toman parte equipos mixtos e femininos.

Varios equipos colaboran dende hai anos xuntando aos seus xogadores no Xadrez das Mariñas, que antes da pandemia consolidouse como un dos mellores equipos da provincia.

En principio interésanos xogar na fase de Cambre que será os domingos 27 de marzo e 3 de abril de 10:00 a 13:00 horas, no Pavillón Sofía Toro.

Se non podes xogar eses días podemos ver a opción de facer un equipo na Coruña, pero neste caso dan moi pouco tempo e xógase os venres 18 e 25 de marzo no Salón de Actos do Complexo Deportivo de 
Elviña I.

Que temos que facer?

Descargar e cubrir este formulario:

Facerlle unha foto e enviar o formulario ao whatsApp 654 60 37 16
Xunto coa foto hai que enviar se se desexa participar no de Cambre (preferente) ou de non poder no da Coruña.

11 de marzo de 2022

Segundo fin de semana de marzo

VENRES DE 18,00 A 18,3
Clases de iniciación no CC Los Rosales. Gratuitas. Para nados en 2008 ou seguintes.
Información AQUI (PREME)

VENRES DE 18,30 A 19,30
Torneo de partidas rápidas para nados en 2008 ou seguintes, tamén no Centro Comercial Los Rosales.
Información AQUI (PREME)

VENRES DE 20,15 A 21,15
No Centro Universitario de Riazor. Circuito de Inverno de partidas rápidas.
A información do circuito podela atopar AQUI (PREME)

SÁBADO DE 16,00 A 17,00
Liga AGAX Online Sub12
Ligazón desta semana: Batalla por equipos LIGA AGAX SUB12 #wJ4ZkGiG • lichess.org

SÁBADO DE 17,00 EN ADIANTE
Liga Galega de Xadrez
Información do seu desenvolvmento: www.fegaxa.org 
Algúns dos encontros deste sábado:

Xadrez Das Mariñas (XDM) - CXB LUGAMI A
CLUB XADREZ SMYSLOV SADA - CIDU UNIVERSIDADE DA CORUÑA
SPORTING CLUB CASINO - XIRIA CALVO CARBALLO B
CIDU RIAZOR - SPORTING CLUB CASINO 1890
CIDU UDC - CIDU XUVENIL
XADREZ DAS MARIÑAS - ESCOLA XADREZ CAMBRE C

4 de marzo de 2022

Primeiro fin de semana de marzo

 Actividades para estes días, tras o parón do entroido.

VENRES DE 18,00 A 18,3
Clases de iniciación no CC Los Rosales. Gratuitas. Para nados en 2008 ou seguintes.
Información AQUI (PREME)

VENRES DE 18,30 A 19,30
Torneo de partidas rápidas para nados en 2008 ou seguintes, tamén no Centro Comercial Los Rosales.
Información AQUI (PREME)

VENRES DE 20,15 A 21,15
No Centro Universitario de Riazor. Circuito de Inverno de partidas rápidas.
A información do circuito podela atopar AQUI (PREME)

SÁBADO DE 16,00 A 17,00
Liga AGAX Online Sub12
Ligazón desta semana: Batalla por equipos LIGA AGAX SUB12 #4P8b756t • lichess.org


SÁBADO DE 17,00 EN ADIANTE
Liga Galega de Xadrez
Información do seu desenvolvmento: www.fegaxa.org 
Algúns dos encontros deste sábado:

CIDU UNIVERSIDADE DA CORUÑA - Xadrez Das Mariñas (XDM)
XIRIA CALVO CARBALLO B - CIDU RIAZOR
CIDU XUVENIL - SPORTING CLUB CASINO
SPORTING CLUB CASINO 1890 - XADREZ NAUTICO CAMARIÑAS
ESCOLA XADREZ CLUBEXA A - CIDU UDC
AVV O GAITEIRO-SIGRAS - XADREZ DAS MARIÑAS

28 de febreiro de 2022

Hoxe temos adestramento

Hoxe luns 28 de febreiro imos facer un adestramento para os socios de AGAX e xogadores federados do CIDU e do Sporting Club Casino.

Centro Comercial Los Rosales

17,00 - 19,30: Suizo a 5 roldas ritmo 15 min. finish

19,30 - 20,30: Xogos de mesa

20,30 - 21,30: Suizo a 5 roldas ritmo 15 min. finish

21,30 - 22,00: Partidas de pasapezas

O horario poderá variar se as roldas vanse adiantando.

Para os que queiran participar: 1 euro ou un kilo de comida.

18 de febreiro de 2022

Fin de semana 18 a 20 de febreiro

O pasado sábado iniciamos a Liga. Este sábado teremos a segunda xornada e logo virá o descanso de entroido.

Ollo que temos unha actividade o luns.

VENRES DE 18,00 A 18,30
Clases de iniciación no CC Los Rosales. Gratuitas. Para nados en 2008 ou seguintes.
Información AQUI (PREME)

VENRES DE 18,30 A 19,30
Torneo de partidas rápidas para nados en 2008 ou seguintes, tamén no Centro Comercial Los Rosales.
Información AQUI (PREME)

VENRES DE 20,15 A 21,15
No Centro Universitario de Riazor. Circuito de Inverno de partidas rápidas.
A información do circuito podela atopar AQUI (PREME)

SÁBADO DE 16,00 A 17,00
Liga AGAX Online Sub12
Ligazón desta semana: Batalla por equipos LIGA AGAX SUB12 #2xRPFkW3 • lichess.org

Por certo que na clasificación publicada esta semana había erros. A clasificación real é a seguinte:



SÁBADO DE 17,00 EN ADIANTE
Liga Galega de Xadrez
Información do seu desenvolvmento: www.fegaxa.org 

LUNS DE 19,30 A 20,00
Torneo Sub12 organizado por Futurix
Ligazón:  AQUI (PREME)

16 de febreiro de 2022

Compañía de María vence na tercer rolda da Liga

O equipo de Compañía de María gañou o sábado pasado a rolda da Liga AGAX Sub12.

Con este resultado estarían empatados no segundo posto co Pardo Bazán, con 11 puntos a tres do Calasanz, que o vindeiro sábado pode ter problemas para coordinar coa Liga de Xadrez, xa que xogan en Camariñas.

A clasificación actual é a seguinte:

Na clasificación individual Rubentro segue a liderar con solvencia e os seus compañeiros de equipo manteñen as primeiras prazas a pesar do tropezo do sábado.

A clasificación actual é a seguinte:

11 de febreiro de 2022

Fin de semana 11 a 13 de febreiro

Este sábado comeza a Liga Galega de Xadrez. Pero tamén temos outras actividades.

VENRES DE 18,00 A 18,30
Clases de iniciación no CC Los Rosales. Gratuitas. Para nados en 2008 ou seguintes.
Información AQUI (PREME)

VENRES DE 18,30 A 19,30
Torneo de partidas rápidas para nados en 2008 ou seguintes, tamén no Centro Comercial Los Rosales.
Información AQUI (PREME)

VENRES DE 20,15 A 21,15
No Centro Universitario de Riazor. Circuito de Inverno de partidas rápidas.
A información do circuito podela atopar AQUI (PREME)

SÁBADO DE 16,00 A 17,00
Liga AGAX Online Sub12
Ligazón desta semana: Batalla por equipos LIGA AGAX SUB12 #bJrcAM9a • lichess.org

SÁBADO DE 17,00 EN ADIANTE
Liga Galega de Xadrez
Información do seu desenvolvmento: www.fegaxa.org 

4 de febreiro de 2022

Xadrez este fin de semana

En primeiro lugar lembramos que se publicaron este xoves os calendarios da Liga Galega de Xadrez, así que recomendamos que a xente vaia mirando cando pode ou non xogar.

VENRES 4 DE FEBREIRO

* 18,00 - 18,30: Clases de iniciación en CC Los Rosales. Gratuitas. Para nados en 2008 ou seguintes.

* 18,30 - 19,30: Torneo de partidas rápidas para nados en 2008 ou seguintes, tamén no Centro Comercial Los Rosales.

A información destas dúas actividades podela atopar AQUI (PREME)

* 20,15 - 21,15: empezamos hoxe o Circuito de Inverno.

Será no Centro Universitario de Riazor. Nesta ocasión o circuito so é para membros da Comunidade Universitaria ou membros do club de xadrez.

A información do circuito podela atopar AQUI (PREME)

SABADO 5 DE FEBREIRO

* 16,00 - 17,00: Liga AGAX Online Sub12

Para nados en 2010 ou seguintes.

Ligazón deste venres: Batalla por equipos LIGA AGAX SUB12 #aWIObFSg • lichess.org

28 de xaneiro de 2022

Fin de semana de xadrez

Algunhas das actividades previstas para este venres e sábado.

VENRES 28
Día de Santo Tomás.

18,00 - 19,30:
Clases e torneos para os sub12 no Centro Comercial Los Rosales.


20,00 - 21,30:
Actividades previas a Liga no Centro Comercial Los Rosales.
Torneo de xadrez, pasapezas e organización dos equipos do CIDU.


SABADO 29

16,00 - 17,00:
Segunda rolda da Liga AGAX Sub12

O pasado sábado Calasanz, Pardo Bazán e Compañía de María ocuparon os postos de honra.

Xa sabedes... nesta ligazón está o Torneo

17,00 - en adiante:
O sábado toca a XDM e Sigrás preparar a Liga. No seu local de Vila Concepción haberá partidas na tarde deste día.


DOMINGO 30

Remata o prazo para facer as ordes de forza dos equipos.
Lembramos a todos os interesados para que falen cos seus delegados.
(No caso do CIDU teñen un formulario de inscrición: https://www.xadrezuniversitario.org/2022/01/cotas-sociais-2022.html)



22 de xaneiro de 2022

19 de xaneiro de 2022

LIGA AGAX ONLINE SUB12

Voltamos coa Liga AGAX Online, que agardamos siga contando coa axuda do Concello da Coruña. 

Chega a edición de inverno da LIGA AGAX ONLINE SUB12. Como no 2021 a nosa intención é facer neste novo ano a liga de inverno, a de primavera e a de outono.

Coma nas edicións anteriores os encontros xogaranse en Lichess.

1. Sistema de xogo.
A competición desenvolverase durante oito xornadas, sendo un torneo independente cada xornada, que cada semana publicaremos neste espazo web. En principio serán torneos a ritmo de cinco minutos finish na modalidade Arena e que durarán unha hora.  Contarán os tres mellores xogadores de cada equipo.

2. Clasificación da Liga.
Os primeiros clasificados sumarán puntos cada semana (5 o primeiro, 4 o segundo, 3 o terceiro, 2 o carto e 1 o quinto). Establecerase deste xeito unha clasificación de toda a competición. Isto farase tanto para a clasificación por colexios como individual.

3. Participantes.
Poderán participar equipo representativos de centros de ensino da Coruña. Poden solicitar a inscrición en correo@agax.org. Os equipos teñen que estar formados polo alumnado que nacera no ano 2010 ou seguintes. Poden participar tódolos xogadores que o desexen dun mesmo centro e ir variando ao longo da proba. Igoalmente poden incorporarse equipos novos ao longo da duración do torneo. Os clubs autorizados a xogar non poderán optar aos premios de equipos.

4. Premios.
Na clasificación final da Liga recibirán un trofeo os tres primeiros equipos clasificados e tamén os tres mellores xogadores.

5. Datas e horario de xogo.
22 e 29 de xaneiro / 5, 12 e 19 de febreiro / 5, 12 e 19 de marzo
16,00 horas (nalgún dos folletos aparece por erro as 17,00)
Caso de iniciarse a Liga Galega estudiarase a posibilidade de reducir o tempo dos torneos semanais para asistir á mesma.

LIGA AGAX ONLINE SUB 12 
(NADOS EN 2010 OU SEGUINTES)

SABADOS DE 16,00 A 17,00 EN LICHESS.ORG
Torneos sistema area, de partidas a 5 minutos sen berseker e sen puntos extras por vitorias consecutivas.

Se queres xogar na Liga por equipos Sub 12:

1. Crea unha conta en Lichess.org (se xa a tes creada continua cos puntos 2 e 3) 

2. Escolle o equipo ao que pertenzas e comproba que xa estás inscrito como xogador. Se non terás que pedir ingreso... e atento a resolver o mate en unha xogada que te pedirá para enviar a solicitude.


Se non estás nalgún dos anteriores equipos pero queres participar escríbenos a correo@agax.org.

3. Unha vez inscrito, cada sábado con partida terás que anotarte e escoller o teu equipo (para iso tes que estar xa dentro do mesmo). Publicaremos as ligazóns neste mesmo espazo. Así que cada xornada entra en www.xogandocoxadrez.eu para participar na proba do día.


7 de xaneiro de 2022

FIN DE SEMANA

Pouca actividade neste primeiro fin de semana. Palaestra retoma xa as súas actividades no Casino e están na súa web os grupos do primeiro trimestre no Centro Coemrcial Los Rosales.

VENRES

Ás 17,30 reinician as clases da escola de xadrez do Sporting Club Casino.

Se houbese sub10 (nados en 2012 ou seguintes) interesados participaríamos ás 19,30 nun pequeno torneo organizado por Futurix.

https://lichess.org/tournament/mWsHquI4

Ás 19,00 en Rosales Palaestra empeza unha nova actividade... O Club de Xogos de Mesa, onde irán probando xogos de mesa. Nesta primeira ocasión probando Hombres Lobos de Castronegro, en caso de xuntarse xente (está recomendado para maiores de 10 anos e de 8 xogadores en adiante). No caso de ser menos xente sería co xogo Virus (non, non vai de COVID19)

SABADO

Ás 10,30 torneo sub12 en lichess organizado por Sada (ver foto)

Ás 12,00 retómanse as clases da escola de xadrez do Sporting Club Casino.

Ás 12,30 torneo absoluto organizado por Sada (ver foto)

Lembramos que este fin de semana temos que confirmar os clubes e equipos que se inscriben na Liga, así que falade cos vosos clubes para asegurar a participación!

6 de xaneiro de 2022

c5?

Do concurso de relatos de AGAX do que aínda temos pendente a entrega.

C5?

-Cabalo e7,...,non, mellor Cabalo f6

Xurxo axustouse as luvas de látex e a máscara, virou o  pomo da porta da súa casa e saíu ás escaleiras. 

Era verán, o 15 de Agosto de 2020 e a corentena había vinte días que quedara atrás, pero non había que confiarse, o virus podía estar en todas partes porque non entendía de calendarios, no interruptor da luz, no ascensor, en todas partes...

Baixou andando e unha vez no portal abriuno coidadosamente co cóbado, tal e como lle ensinara o seu pai e saíu á rúa. Os raios de sol cegárono levemente pero a calor e a luz eran reconfortantes despois de tantos meses entre catro paredes.

-Cabalo f6, é mellor deixar o cabalo defendendo un posible enroque curto.

Os seus pensamentos estaban enfocados nun único obxectivo, derrotar por fin a Dani e converterse por primeira vez no taboleiro número un do seu colexio, o María Barbeito. A corentena atrasara o momento, pero a hora chegara. Por fin acabaríanse as risas e a broma. Desde que catro anos antes inscribísense nas clases de xadrez, Xurxo xamais derrotara a Dani en partida oficial. Si, gañáralle algunha partida amigable, pero sen nada importante en xogo. Nos torneos, e á hora da verdade, o seu compañeiro de clase sempre se impuña.

- Até logo Xurxo - Xurxo saudou cunha leve inclinación de cabeza á súa veciña do 5º cando se cruzaron na beirarrúa. Nunca lle caera ben, e ademais non podía permitirse o luxo de perder a concentración. 

Dani sempre abría con e4, el respondíalle con e5, entraban en posicións da apertura italiana e seis ou sete xogadas despois e, non sabía moi ben como, xa tiña dous ou tres peóns de menos e iso púñao nervioso.  A Xurxo gustáballe xogar con material de máis, maldita sexa, e a quen non...

Xurxo cruzou polo paso de peóns principal de rua Mosteiro de Caaveiro e con paso firme continuou a marcha até o seu colexio.

-A ver que cara pos cando mova o peón a c5...

Xurxo sorriu. Preparara a conciencia a defensa siciliana grazas a uns vídeos tutoriales de YouTube. E non unha liña calquera, a variante Najdorf, a favorita do seu ídolo, Kasparov. Dani prefería a Carlsen, pero na humilde opinión de Xurxo, Garry tiña algo que lle faltaba ao noruegués, aínda que non sabía explicar moi ben o que. Uns anos mais tarde atoparía a palabra que buscaba, carisma,  pero tiña 12 anos, non 16...

Claro que Dani podía empezar con d4 e nese caso...

O coche golpeouno practicamente á altura da cadeira e arroxouno cinco metros cara atrás. Xurxo sentiu un estalido vermello brillante cando a súa cabeza impactou contra o asfalto quente. O último que escoitou foron os berros desesperados da súa veciña do 5º pedindo axuda, esa que lle caía mal...

Xurxo esquecera a regra de ouro de calquera xadrecista, nunca perdas de vista as ameazas reais.

A pouca distancia, o semáforo que se acababa de saltar, pasou da cor vermella ao verde.

-Mal...dito Dani..., outra vez vaise... librar...- pensou Xurxo antes de desvanecerse.

FIN

3 de xaneiro de 2022

Primeiros días do ano

Empezamos o ano, con distintas actividades. Agradamos que algunha delas sexa do voso interese.

Lembramos que esta semana é a última para indicar cantos equipos van xogar a Liga Galega, así que animamos a todos a que faledes cos vosos clubs e renovedes a ficha anual canto antes.

LUNS 3 DE XANEIRO
Se estás no nivel de iniciación ou simplemente queres botar unhas partidas, De 17,00 a 20,00 hai clases gratuitas no Centro Comercial Los Rosales.

MARTES 4 DE XANEIRO
Como o luns, hai a mesma actividade nos Rosales, pero só unha hora. Logo, a partir das 18,00 e durante pouco mais de dúas horas hai o Torneo Aniversario no mesmo espazo (www.xadrezuniversitario.org)

MÉRCORES 5 DE XANEIRO
Neste día as clases son de 17,00 a 19,00. Despois hai un torneo de partidas rápidas.

Animádevos a participar!