O mes de novembro chega cargado de propostas para os amantes do xadrez. Aquí van tres recomendacións para que non perdas ningunha oportunidade de mover pezas:
📍 Sábado 15 - Xadrez no MUNCYT
Coincidindo coa Semana da Ciencia, celébrase un torneo lóstrego no Museo Nacional de Ciencia e Tecnoloxía (MUNCYT), na Coruña. A segunda edición deste evento organizado por INCUDE e CIDU, coa colaboración da Deputación da Coruña, promete emoción e rapidez.
- Ritmo: 3'+2"
- Horario: Desde as 16:15 ata as 18:20
- Premios: Trofeos para os tres primeiros e medallas para todos os participantes
- Inscricións: De balde, máximo 32 xogadores. Formulario aquí
Máis info: Xadrez no MUNCYT
🌐 Domingo 16 - Torneo Online Magosto
Para os que prefiren xogar desde casa, AGAX organiza un torneo online en lichess.org o domingo ás 20:00. Aberto a todos os membros do equipo AGAX Aberto.
- Formato: Arena
- Premio: Trofeo para o vencedor
- Ligazón directa: Accede aquí
Se aínda non es membro do equipo, podes unirte seguindo estas instrucións.
📅 Martes 18 - Martes de Xadrez en Los Rosales
Lembramos que continúan os Martes de Xadrez organizados pola SCD Palaestra no Centro Comercial Los Rosales. Un espazo aberto para aprender, practicar e compartir partidas nun ambiente relaxado.
🏛️ Sábado 22 - III Torneo Xadrez no Temple
Un torneo pensado para os que están comezando no mundo do xadrez, con ambiente amigable e formativo. Terá lugar na Casa da Cultura Vila Concepción (Cambre).
- Ritmo: 10'+3"
- Horario: De 17:00 a 20:00
- Premios: Trofeos para os tres primeiros, mellor sub-14 e sub-10. Medallas para o resto
- Inscricións: 3€ (socios AGAX exentos)
Máis info: III Torneo no Temple
🎯 Cotro opcións, catro estilos, e moitas máis actividades en marcha. Anímate a participar e a compartir estas propostas cos teus compañeiros de taboleiro.
Ningún comentario:
Publicar un comentario